 |
| ငှက်ဖျား ဖျားနေသောလူငယ် |
မာတိကာ
ခြင်ကာကွာဆေးဖြန်းခြင်း
ကောင်းဆာကျေးရွာမှ ဒေသခံများသည် နှာစေး၊ ချောင်းဆိုး၊ ဖျားနာသူများအပြင် မျက်စိနာ ၊ လည်ချောင်းနာ ဝေဒနာ ခံစားနေရမှု များပြားနေကြောင်း ဒေသခံအမျိုးသား တစ်ဦးက သျှမ်းသံတော်ဆင့်ကို ပြောသည်။
“စစဖြစ်တော့ ဖျားသလိုလို ဖြစ်တယ်၊ နှစ်ရက် သုံးရက်လောက်ဖြစ်ပြီးရင် ချောင်းဆိုး၊ လည်ချောင်းနာတာ ဖြစ်တယ်၊ ပြီးတော့ မျက်စိတွေက နီရဲပြီး အရည်ကြည်တွေ ထွက်ပြီး နာလာတယ်။ တစ်ပတ်လောက်နေရင် အဖျားကျပေမဲ့ လူက နှုန်းလာတယ်၊ ဘာမှ လုပ်လို့ ကိုင်လို့ မရတော့လောက်ကို လူက နှုန်းနေတာ” ဟု ရောဂါ ဝေဒနာခံစားသည့် ကုန်းဆာမှ ဒေသခံအမျိုးသား တစ်ဦးက သျှမ်းသံတော်ဆင့်ကို ပြောသည်။
ဆိုင်းခေါင်ကျေးရွာအုပ်စုမှ ကောင်းဆာကျေးရွာသည် အိမ်ခြေ ၅၀ နီးပါး၊ ကျား (၉၉) ဦး၊ မ (၁၂၃) ဦး စုစုပေါင်း လူဦးရေ ( ၂၂၂ ) ဦး ရှိနေသည့် ရွာကြီးတစ်ရွာဖြစ်နေကြောင်းလည်း သိရသည်။
မြောင်းပုပ်သန့်ရှင်းရေးလုပ်ခြင်း
ဒေသခံများသည် အဆိုပါ ရာသီတုပ်ကွေးတစ်ခါကို တစ်ပတ် ၁၀ ရက် နီးပါးကြာ ခံစားရပြီး ကျေးလက်ဆေးပေးခန်းတွင် ဆေးကုသမှု ခံယူနေရကြောင်း အထက်ပါ အမျိုးသားက ဆက်ပြောသည်။
“လက်ရှိမှာတော့ ဆေးပေးခန်းမှာပဲ ဆေးကုနေပါတယ်၊ ဆေးခန်းကလည်း ညနေ ၄ နာရီကနေ ၈ နာရီထိပဲ ဖွင့်တယ်၊ နေ့တိုင်းနီးပါး ဆေးခန်းမှာ တိုကင်နံပါတ်ယူပြီး တန်းစီစောင့်ရတယ်။ ကျနော်တို့ မိသားစုဝင် ၇ ယောက် ရှိတာ ၇ ယောက်လုံးဖြစ်နေတော့ စားဝတ်နေရေးအတွက်ရော၊ လုပ်ငန်းကိုင်ငန်းတွေကိုရော ထိခိုက်တယ်” ဟု ၎င်းက ဆက်ဆိုသည်။
إرسال تعليق